Akademiýanyň täzelikleri

Medeni hyzmatdaşlyk – ebedi dostluk

Berkarar döwletimiziň üstünliklere beslenýän ösüş ýolunyň ruhlandyryjy güýji mukaddes Garaşsyzlygymyzda we Birleşen Milletler Guramasy tarapyndan üç gezek ykrar edilen hemişelik Bitaraplygymyzda jemlenendir. Bitaraplyk syýasatynyň aýrylmaz bölegi bolan medeni diplomatiýa parahatçylygyň, dostlugyň, özara düşünişmegiň we ynsanperwer ýörelgeleriň dabaralanmasyny alamatlandyrýar. Şundan ugur alnyp Türkmenistanyň Döwlet çeperçilik akademiýasynda Türkmenistanyň Gahrymany, sungat ojagynyň heýkeltaraşlyk kafedrasynyň halypa mugallymy Saragt Babaýewiň, nakgaşçylyk kafedrasynyň mugallymy Gahryman Goçmyradowyň, Türkmenistanyň Suratkeşler birleşiginiň başlygy Çarymyrat Ýazmyradowyň gatnaşmaklarynda «Halkara ynsanperwer hyzmatdaşlygy we medeni diplomatiýany ösdürmekde şekillendiriş sungatynyň orny» atly tegelek stoluň başynda söhbetdeşlik geçirildi.