Akademiýanyň täzelikleri

GDA döwletleriň dostlukly gatnaşyklary

2025-nji ýylyň 11-17-nji maý aralygynda Türkmenistanyň Döwlet çeperçilik akademiýasynyň “Sungaty öwreniş” kafedrasynyň uly mugallymy Azat Annaýew Täjigistan Respublikasynyň Duşenbe şäherinde Garaşsyz Döwletleriň Arkalaşygyna gatnaşyjy döwletleriň XVIII döredijilik we ylmy intellektual forumyna we onuň çäklerinde geçirilen ýaşlar simfoniki orkestriniň konsertine gatnaşdy. Bu foruma dürli döwletleriň görnükli jemgyýetçilik hem-de sungat işgärleri, alymlary, medeniýet edaralarynyň, ylym we bilim merkezleriniň işgärleri, habar beriş serişdeleriniň wekilleri gatnaşdylar.