Akademiýanyň täzelikleri

Şan-şöhrata beslenen üstünlik

Türkmenistanyň Döwlet çeperçilik akademiýasynyň mugallymlarynyň we bilim alýan talyp ýaşlarynyň döredijilik durmuşynda 2025-nji ýylyň 26-njy apreli ýatdan çykmajak pursatlara beslendi. Bu şanly senede eziz Diýarymyzda türkmen bedewiniň şan-şöhratyna beslenen baýramçylyk dabarasy uludan toýlandy. Behişdi bedewlerimiziň hormatyna bagyşlanyp geçirilen döredijilik bäsleşiginde sungat ojagymyzyň zehinli mugallym we talyplary Hormatly Prezidentimiziň şa serpaýyna mynasyp boldular. Şu gün çeperçilik akademiýasynda, şanly waka mynasybetli, döredijilik bäsleşiginiň ýeňijilerini gutlamak dabarasy geçirildi. Bu bolsa ýene bir ýola zehinli ýaşlarymyzyň saýlap alan hünärlerine bolan söýgüsini has-da belende galdyrdy.