Akademiýanyň täzelikleri

Halkara gatnaşyklarynda sungatymyz gülleýär

Türkmenistanyň Döwlet çeperçilik akademiýasynda 2024-nji ýylyň 5-11-nji noýabry aralygynda bir hepdäniň dowamynda Eýran Yslam Respublikasynyň miniatýura we altyn çaýyp bezemek boýunça hünärmenleri Haşemi Seýedehsähär we Hosseýnian Näjme dagylar ussatlyk okuw sapaklaryny alyp bardylar. Ussatlyk okuw sapaklarynyň netijesi 11-nji noýabrda çeperçilik akademiýamyzyň mugallymlarynyň we talyplarynyň gatnaşmagynda döredijilik duşuşygy we sergisi bilen jemlendi. Bu bolsa sungat ojagymyz bolan Türkmenistanyň Döwlet çeperçilik akademiýasynyň halkara gatnaşyklarynda ýatdan çykmajak taryhy pursatlaryň biri boldy.