Akademiýanyň täzelikleri

BILIM – GELJEGIŇ AÇARY

Berkarar döwletiň täze eýýamyň Galkynyşy döwründe bilim bermegiň ähli basgançaklarynda bilimiň hiliniň, mazmunynyň we görnüşiniň kämilleşdirilmegi döwrüň talaplaryna laýyk amal edilýär. 2024-nji “Pähim-paýhas ummany Magtymguly Pyragy” ýylynyň 24-nji awgustynda Magtymguly adyndaky Türkmen döwlet uniwersitetinde “Pähim-paýhas ummany Magtymguly Pyragy” ady bilen ýurdumyzyň ylym-bilim ulgamynyň ýolbaşçylarynyň we bu ulgamda zähmet çekýän hünärmenlerdir mugallymlaryň gatnaşmagynda awgust maslahaty geçirildi. Onda geçen okuw ýylynyň jemi jemlenildi hem-de täze okuw ýylynda bilim işgärleriniň öňünde duran möhüm wezipeler ara alnyp maslahatlaşyldy. Bu maslahata Türkmenistanyň Döwlet çeperçilik akademiýasynyň zehinli talyplarynyň naýbaşy eserleriniň döredijilik sergisi gurnaldy. Döredijilik sergisinde sungat ojagymyzyň halypa mugallymlarynyň çykyşlary ýerine ýetirildi.