Ýagty geljege tarap
Berkarar dowletiň täze eýýamynyň Galkynyşy döwründe “Pähim-paýhas ummany Magtymguly Pyragy” ýylynda Milli Liderimiz Gahryman Arkadagymyzyň we hormatly Prezidentimiz Arkadagly Gahryman Serdarymyzyň, ýolbaşçylygynda medeniýetimiziň we sungatymyzyň ösmegi ugrunda örän uly işler durmuşa geçirilýär.2024-nji “Pähim-paýhas ummany Magtymguly Pyragy” ýylynyň bagtyýar talyby bolmak meniň üçin ýatdan çykmajak pursatlaryň biri boldy. Meniň muňa begenjimiň, buýsanjymyň ýägi ýok. Çagalykdan arzuw eden hünärimiň hak eýesi bolup, geljekde Türkmen şekillendiriş sungatynda ýurdumyzyň ösüşleriniň şanly taryhyny döredijilik eserlerimde wasp edip, Watanymyň wepaly ýaşlarynyň biri bolup ýetişjekdigimi ynandyrýaryn.
Şu ajaýyp pursatdan peýdalanyp biz ýaşlaryň döwrebäp bilim almagymyza, saýlap alan hünärimiziň kämil ussady bolmagymyza atalyk aladalary üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza köp sagbolsun aýdýaryn. Türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň, janlary sag bolsun, ömürleri uzak bolsun, il-ýurt bähbitli, umumadamzat ähmiýetli tutýan tutumly işleri rowaçlyklara beslensin!
Türkmenistanyň Döwlet çeperçilik akademiýasynyň
“Dizaýn” hünäriniň 1-nji ýyl talyby
Aýsoltan Nazarowa
