Täze eýýamyň üme dessury
Berkarar döwletiň täze eýýamynyň Galkynyşy döwründe, “Pähim-paýhas ummany Magtymguly Pyragy” ýylynyň iýul aýynyň 5-ne türkmen zenanlaryna mahsus bolan üme dessury, ene-mamalarymyzdan miras galan milliligimizi, el-işlerimizi wagyz etmek maksady bilen, Türkmenistanyň Zenanlar birleşiginiň Merkezi Geňeşi bilen bilelikde Türkmenistanyň Döwlet çeperçilik akademiýasynyň talypgelin-gyzlarynyň arasynda “Täze eýýamyň üme dessury” atly duşuşyk geçirildi. Duşuşyga Türkmenistanyň Döwlet çeperçilik akademiýasynyň ilkinji zenanlar guramasynyň işjeň agzalary, halypa mugallymlary gatnaşyp, üme dessurynyň terbiýeçilik ähmiýeti, milli sungatymyzyň özboluşlylygy barada giňişleýin gürrüň berdiler.
