Akademiýanyň täzelikleri

Taryha beslenen ýeňişli günler

2024-nji ýylyň 26-njy iýunynda Magtymguly adyndaky milli sazly drama teatrynda Türkmenistanyň Prezidentiniň “Türkmeniň Altyn asyry” atly baýragyny almak ugrundaky bäsleşigiň çäklerinde döredijilik bilen meşgullanýan ýaşlaryň arasynda ge¬çirilen “Pähim-¬paýhas ummany Magtymguly Pyragy” atly bäsleşikde Türkmenistanyň Döwlet çeperçilik akademiýasynyň “Binagärlik” kafedrasynyň 4-nji ýyl talyby Guwanç Muhtarow we 5-nji ýyl talyby Aýhan Kulyýew “Magtymguly Pyragynyň 300 ýyllygy” atly durmuşa geçirilen dizaýn bezeg işleri bilen, “Nakgaşçylyk” kafedrasynyň 4-nji ýyl talyplary Annasoltan Hojaýewa “Pähim-paýhas ummany Magtymguly Pyragy”, Pawel Anahowskiý “Aýryldym”, 5-nji ýyl talyby Durdumuhammet Pirowow “Bolar sen” atly nakgaş eserleri bilen, “Amaly-haşam sungaty” kafedrasynyň 3-nji ýyl talyby Jelaleddin Bekgiýew “Gözel Şirgazy” atly keramika eserler toplumy bilen ýeňiji bolup Arkadagly Gahryman Serdarymyzyň şa serpaýyna mynasyp boldular. Bu bäsleşigiň maksady beýik şahyr Magtymguly Pyragynyň edebi mirasyny giňişleýin öwrenmekden, wagyz etmekden, onuň çuň mana, pähim-¬paý¬hasa we ýokary ahlak ýörelgelerine ýugrulan gymmatly goşgularynyň ägirt uly ähmiýeti barada ýaş nesilleriň düşünjelerini giňeltmekden ybarat boldy.