Sungatda dostlukly gatnaşyklar berkeýär
2024-nji ýylyň 26-njy aprelinde Türkmenistanyň Döwlet çeperçilik akademiýasynda Türkmenistanyň halk suratkeşi Aýhan Hajyýewiň 100 ýyllygy mynasybetli dabaraly duşuşyk geçirildi. Duşuşykda Merkezi Aziýa ýurtlarynyň ussat sungat işgärleri ýagny Özbegistan Çeperçilik akademiýasynyň başlygy, Özbegistanyň halk suratkeşi Akmal Nuridinow, Al-Faraby adyndaky Gazagystanyň Milli uniwersitetiniň mugallymy, Sungaty öwreniş ylymlarynyň professory Žanarbek Beristenow, I.Arabaýew adyndaky Gyrgyzystanyň Döwlet uniwersitetiniň professory, Gyrgyzystanyň halk suratkeşi Ýuristanbek Şygaýew we Täjigistanyň Suratkeşler birleşiginiň başlygy Nargis Hamidowa myhmançylykda boldylar. Hormatly myhmanlar Türkmenistanyň Döwlet çeperçilik akademiýasynda ýaşlara öwredilýän hünärler bilen içgin tanyşdylar. Olar sungat ojagynda berilýän bilim derejesiniň aýratynlygy barada buýsançly sözleri beýan etdiler.
