“At gazanan goç ýigidiň, owwal bedew aty gerek” atly döredijilik duşuşygy geçirildi
2024-nji ýylyň 25-nji aprelinde Türkmenistanyň Döwlet çeperçilik akademiýasynyň Sergiler jaýynda Gündogaryň beýik akyldary Magtymguly Pyragynyň doglan gününiň 300 ýyllygy mynasybetli “At gazanan goç ýigidiň, owwal bedew aty gerek” atly mugallymlaryň we talyplaryň döredijilik duşuşugy geçirildi. Duşuşykda türkmen edebiýatynyň taryhynda ýitmejek yz galdyran beýik şahsyýetimizi hatyralap, 2024-nji ýyly “Pähim-paýhas ummany Magtymguly Pyragy” diýip atlandyrylmagynyň özi, ýaş suratkeşlerimizde beýik şahsyýetiň döredijiligine we edebi mirasyna hormat goýmakda, olarda watansöýüjilik, jebislik, agzybirlik ruhuny terbiýelemekde ähmiýetli mekdep bolup durýandygy nygtaldy.
