Halkara informatika olimpiadasynyň çäginde sergi gurnaldy
2024-nji ýylyň aprel aýynyň 17-ne Ýagşygeldi Kakaýew adyndaky Halkara nebit we gaz uniwersitetinde ýurdumyzyň hem-de daşary döwletleriň ýokary okuw mekdepleriniň talyplarynyň gatnaşmagynda II Açyk halkara informatika olimpiadasyna (OIOIUS — 2024) dabaraly ýagdaýda badalga berildi. Halkara informatika olimpiadasynyň çäklerinde “Berkarar döwletiň täze eýýamynyň Galkynyşy döwründe talyp ýaşlaryň ylmy garaýyşlary” atly halkara ylmy-amaly maslahaty geçirildi. Mundan başga-da, Halkara nebit we gaz uniwersitetiniň Maglumat tehnologiýalar merkezinde ýurdumyzyň we daşary ýurtlaryň ýokary okuw mekdepleriniň ylym-bilimde, sportda gazanan üstünliklerine bagyşlanan ýörite sergi gurnaldy. Şol sergide Türkmenistanyň Döwlet çeperçilik akademiýasynyň hem talyp ýaşlarynyň döreden nakgaş, amaly-haşam sungaty eserleriniň ajaýyp sergisi ýaýbaňlandyryldy.
