Türkmen sungatynyň genji hazynasy
Berkarar döwletiň täze eýýamynyň Galkynyşy döwründe müňýyllyklara utgaşyp gidýän taryhymyzyň naýbaşy gymmatlyklaryny özünde jemleýän taryhy ýadygärliklerimizi düýpli öwrenmek, olary geljekki nesillerimize ýetirmek boýunça döwlet derejesinde uly işler amala aşyrylýar. Arkadagly Gahryman Serdarymyzyň täze eseri “Änew – müňýyllyklardan gözbaş alýan medeniýet” atly ajaýyp kitabynyň elimize gelip gowuşmagy diýseň buýsandyrjy wakadyr.
2024-nji ýylyň aprel aýynyň 12-ne Türkmenistanyň Döwlet çeperçilik akademiýasynda Arkadagly Gahryman Serdarymyzyň jöwher paýhasyndan dörän “Änew – müňýyllyklardan gözbaş alýan medeniýet” atly ajaýyp kitabyna bagyşlanyp “Türkmen sungatynyň genji hazynasy” atly hoşallyk maslahaty geçirildi.
