“Bagtyýarlygyň waspçylary” atly söhbetdeşlik geçirildi
2023-nji ýylyň 8-njy dekabrynda Türkmenistanyň Döwlet çeperçilik akademiýasynyň Sergiler jaýynda Türkmenistanyň Magtymguly adyndaky Ýaşlar guramasynyň Aşgabat şäher Geňeşi bilen ýokary okuw mekdebiniň ilkinji Ýaşlar guramasynyň bilelikde Halkara Bitaraplyk güni hem-de Magtymguly Pyragynyň doglan gününiň 300 ýyllygyna bagyşlanyp açylan “Arkadag Serdarly bagtyýar ýaşlar ýylynyň Gujurly ýaşlary - 2023” atly uçurymlaryň we talyplaryň döredijilik sergisi dogrusynda söhbetdeşlik geçirildi.
Söhbetdeşligiň başynda Berkarar döwletiň täze eýýamynyň Galkynyşy döwründe türkmen halkynyň Milli Lideri, Gahryman Arkadagymyzyň we hormatly Prezidentimiz Arkadagly Gahryman Serdarymyzyň ýolbaşçylygynda ýaşlaryň döwrebap bilim almaklary hem-de saýlap alan hünärleriniň kämil ussady bolmaklary ugrunda döwlet ähmiýetli işleri üstünlikli dowam etdirilýändikleri dogrusynda belläp geçdiler. Çeperçilik akademiýanyň mugallymy, Ýaş alymlar geňeşiniň başlygy Bagtygül Hojageldiýewa öz çykyşynda 2023-nji “Arkadag Serdarly bagtyýar ýaşlar” ýylynda çeperçilik akademiýasynyň zehinli talyp ýaşlarynyň halkara we döwlet derejesinde geçirilen sergilerde gazanan ýokary derejedäki üstünliklerini giňişleýin gürrüň berdi.
Türkmenistanyň Döwlet çeperçilik akademiýasynyň
ilkinji Ýaşlar guramasynyň başlygy,
Sungaty öwreniş kafedrasynyň mugallymy
Döwrangeldi MOÝTYÝEW
