Çagalar biziň kalbymyzyň buýsanjy
Hormatly Prezidentimiz Serdar Berdimuhamedowyň: “Çagalar biziň kalbymyzyň buýsanjy, öýlerimiziň ýaraşygy, bagtyýar durmuşymyzyň gül-gunçalary, ömrümiziň dowamatydyr. Şoňa görä-de, ýurdumyzda erkana ýaýnaýan bagtyýar çagalarymyzyň rahat dynç alyp, okap, öwrenip, döredip, ylymly-bilimli, giň dünýägaraýyşly, sagdyn bedenli, edep-terbiýeli, Watana wepaly bolup ýetişmeklerine gönükdirilen maksatnamalarymyzy üstünlikli amala aşyrýarys” diýen parasatly sözlerinde ugur alyp, ýetip gelýän Çagalary goramagyň halkara güni mynasybetli maý aýynyň 27-ine Türkmenistan kinokonsert merkeziniň çäginde Türkmenistanyň Döwlet çeperçilik akdemiýasynyň ýerine ýetiren ajaýyp eserleriniň sergi ýarmarkasy gurnaldy. Bu sergi ýarmarkasynyň esasy maksady çagalara ediljek ýardama goşant goşmak hem-de çagalaryň aňynda ýatdan çykmajak ajaýyp pursatlary döretmekden ybarat.
