Aziýanyň merjeni – Ak şäherim Aşgabat
Berkarar döwletiň täze eýýamynyň Galkynyşy döwründe Ata Watanymyz Türkmenistan belent ösüşlere beslenýär. Merkezi Aziýanyň merjenine öwrülen Aşgabat şäheri gözelligi bilen görenleri haýrana goýýar. Paýtagtymyzda gurulýan binalarynyň aýratynlygy, onuň ak mermere bürenmegindedir. Häzirki wagtda paýtagtymyz Aşgabat dünýäniň iň gözel şäherleriniň birine öwrüldi.
Gözel şäherimizde gurulyp ulanylmaga berilýän desgalaryň birnäçesi Ginnesiň Bütindünýä täsinlikler kitabyna girizilmegi paýtagtymyzyň binagärlik keşbiniň ýokary sepgitlere ýetendiginiň subutnamasydyr. 2013-nji ýylyň 25-nji maýynda Aşgabat şäheri, şeýle-de paýtagtymyzyň birnäçe ajaýyp binalary bolan Oguz hanyň suw çüwdürimler toplumy, Döwlet Baýdagymyz, “Türkmenistan” teleradioýaýlymlar merkezi, “Älem” medeni-dynç alyş merkezi, Aşgabadyň Halkara howa menzili, Aşgabat Olimpiýa stadionynyň münberini bezeýän ahalteke bedewiniň çeper keşbi Ginnesiň rekordlar kitabyna girizilmegi buýsandyryjy wakadyr.
Her ýylyň 25-nji maýynda Hormatly Prezidentimiziň ýolbaşçylygynda Aşgabat şäheriniň güni ýokary derejede bellenilip geçirilýär. Däp bolşy ýaly Türkmenistanyň Döwlet çeperçilik akademiýasynyň binagärlik hem-de dizaýn kafedrasynyň mugallumlarydyr talyplary Aşgabat monumentiniň binasynda “Aziýanyň merjeni – Ak şäherim Aşgabat” atly okuw gezelenji gurnaldy. Özüniň ajaýyp sazlaşygy bilen haýrana goýýan Aşgabat binasyny Türkmenistanyň Döwlet çeperçilik akademiýasynyň zehinli talyplary mugallymlaryň halypalyk etmeginde nakgaş eserinde wasp etdiler. Galamda hem-de reňkde ussatlyk bilen wasp edilen döredijilik eserler Aşgabat şäheriniň gününe baýramçylyk sowgady boldy. Bu binanyň çeper keşbi talyp ýaşlarymyzda uly täsir galdyrdy. Binanyň daş-töwereginiň ähli gözellikleri bir ýere jemlenýär. Bag-bakjalaryň suw çüwdürümleriň keşbi Aşgabat binasynyň çepeçilik aýratynlygyny artdyrýar. Binanyň millilik bilen utgaşyp gidýän çeper çözgüdi haly göllerinde orun alýar.
Amangül Goçmyradowa,
Türkmenistanyň Döwlet çeperçilik akademiýasynyň
“Sungaty öwreniş” kafedrasynyň 2-nji ýyl talyby
