Talyp ýoldaşymyzyň üstünligi bizi buýsandyrýar
Türkmenistanyň hormatly Prezidenti Serdar Berdimuhamedow we Gahryman Arkadagymyz döwletimizi öňe sary alyp gitjek ýaşlarymyza uly ynam bildirýärler.
«Biz Berkarar döwletiň täze eýýamynyň Galkynyşy döwründe öňümizde belent maksatlary goýduk. Mähriban Watanymyzyň abadançylygyny we durmuş-ykdysady ösüşini, halkymyzyň ýaşaýyş derejesini mundan beýläk-de ýokarlandyrmak, dünýäde parahatçylygy hem-de ynanyşmagy berkitmek wezipelerini öňe sürdük. Şu belent maksatlara ýetmekde ýurdumyzyň ýaş nesillerine aýratyn bil baglaýarys» diýip Arkadagly Serdarymyz belleýär. Munuň özi ýaşlaryň bagtyýar durmuşda ýaşamagyny gazanmagy, olaryň hukuklaryny we azatlyklaryny goramagy, döwrebap bilim almagyny hem-de sportuň dürli görnüşleri bilen meşgullanmaklary üçin uly aladalar edilýändiginiň subutnamasydyr.
Türkmenistanyň Döwlet çeperçilik akademiýasynda özüniň saýlap alan döredijilik hünärleriniň daşyndan başga-da hünärleri alyp barýan ýaşlarymyz bar. Olaryň kimsi aýdym we saz, kimsi edebiýat, kimsi bolsa sportuň muşdaklary. Özümiziň talyp ýoldaşymyzyň, ýagny “Amaly-haşam sungaty” kafedrasynyň 2-nji ýyl talyby Aýjemal Sýadiýewanyň öz hünäriniň daşyndan sportuň Karatedo görnüşi bilen meşgullanyp, bu ugurda gazanan üstünlikleri bizi diýseň buýsandyrýar. Ol sportuň Karatedo görnüşinde gyzlaryň arasynda Kumite boýunça 18-24 ýaş aralygyndaky ýaryşda I orny eýeläp, Aşgabat şäheri boýunça 2022-nji ýylda çempion boldy.
Bu gazanan üstünligi bilen talyp ýoldaşymyzy tüýs ýürekden gutlaýarys!
Öwezmyradowa Ogulsona
Türkmenistanyň Döwlet çeperçilik akademiýasynyň
“Sungaty öwreniş” kafederasynyň 2-nji ýyl talyby
