Halkara Açyk olimpiadasynda gazanylan üstünlikler
Berkarar döwletiň täze eýýamynyň galkynyşy döwründe “Halkyň Arkadagly zamanasy” ýylynda Hormatly Prezidentimiziň parasatly baştutanlygynda Garaşsyz, hemişelik Bitarap Türkmenistan diýarymyzyň her bir güni parahatçylyga, asudalyga beslenýär. Her bir ynsanyň durmuşynda bolup geçişi ýaly, halkyň, döwletiň ykbalynda hem ýatdan çykmajak pursatlar, wakalar bolup geçýär.
S. A. Nyýazow adyndaky Türkmen oba hojalyk uniwersitetiniň 2022-nji ýylyň 5-nji dekabrynda ýurdumyzyň hem-de daşary ýurtlaryň ýokary okuw mekdepleriniň talyplarynyň arasynda Ekologiýa dersi boýunça Açyk Halkara olimpiadasyny geçirmekleri hem-de bäsleşiklere ýurdumyzyň ýokary okuw mekdepleriniň talyplarynyň arasynda Türkmenistanyň Döwlet çeperçilik akademiýasynyň “Binagärlik we Dizaýn” fakultetiniň 2-nji ýyl talyby Allakulyýewa Irada, 3-nji ýyl talyby Soltanow Kerwen dagylar bäsleşikde 3-nji ýere mynasyp bolup diplom bilen sylaglandy.
Türkmen halkynyň gadymdan gelýän hoşniýetlilik, parahatsöýüjilik, ynsanperwerlik häsiýetleri we däpleri döwletimiziň oňun Bitaraplyga esaslanýan daşary syýasatynyň özeni bolup durýar. Ýurdumyzda ylmyň we bilimiň ösmegi ugrunda taýsyz tagallalary durmuşa geçirýän, halkymyzyň hal-ýagdaýyny barha gowulandyrmakda uly işleri alyp barýan Gahryman Arkadagymyzyň hem-de Arkadagly Serdarymyzyň elmydama jany sag, belent başy aman bolsun! Alyp barýan beýik işleri diňe rowaçlyklara beslensin!
Keroglyýewa Gülälek,
Türkmenistanyň Döwlet çeperçilik akademiýasynyň
“Jemgyýeti öwreniş ylymlary” kafedrasynyň mugallymy
