SUNGATDAKY ÖSÜŞLER WE ÜSTÜNLIKLER
Berkarar döwletiň täze eýýamynyň Galkynyşy döwründe ýokary okuw mekdeplerinde okuw we ylym, döredijilik we jemgyýetçilik işleri boýunça bäsleşikler geçirilýär. “Halkyň Arkadagly zamanasy” ýylynda hormatly Prezidentimiziň tagallasy netijesinde ýaş nesilleriň eşretli hem-de abadan durmuşda ýaşamagy üçin giň gerimli işler alnyp barylýar. Ýaşlaryň halkara ülňülerine laýyk gelýän döwrebap bilim almagynda, saýlap alan hünärleri boýunça başarnyklaryny artdyrmaklaryna, ylmy we döredijilik işlerine höweslenmeklerine giň ýol açylýar. Diýarymyzda diňe bir ykdysadyýetiň dürli pudaklary bilen birlikde, türkmen medeniýetine hem-de sungatyna uly üns berilýär. Türkmenistanyň Döwlet çeperçilik akademiýasynda 2022-nji ýylyň 28-nji noýabrynda ýokary okuw mekdebimiziň noýabr aýy boýunça aýyň fakulteti boýunça “Amaly-haşam sungaty” fakulteti, aýyň kafedrasy “Sungaty öwreniş” kafedrasy, aýyň mugallymy “Sungaty öwreniş” kafedrasynyň mugallymy Jeren Baltaýewa we aýyň talyby “Sungaty öwreniş” kafedrasynyň talyby Ogulsona Öwezmyradowa mynasyp boldy. Sungaty öwreniş – sungaty, jemgyýetiň çeperçilik medeniýetini bütewülikde, sungatyň aýratyn görnüşlerini, olaryň aýratynlyklaryny, döreýişlerini we ösüş kanunalaýyklyklaryny, çeper eserleriň görnüşine we mazmunyna degişli tutuş soraglar toplumyny öwrenýän jemgyýetçilik ylymlaryň toplumydyr. Sungat ojagymyzda ýaş suratkeş talyplara bilim berýän mugallymlar yhlas bilen zähmet çekip, talyplaryň geljekde ökde hünärmenler bolmagy üçin aladalar edýärler.
Berkarar döwletiň täze eýýamynyň Galkynyşy döwründe medeniýet we sungat ussatlaryna uly baha berip, olara giň mümkinçilikler döredýär. Bu bolsa hormatly Prezidentimiziň şekillendiriş sungatyny ösdürmek baradaky giň mümkinçilikleriň subutnamasydyr.
Şirin Öwezowa,
Türkmenistanyň Döwlet çeperçilik akademiýasynyň
“Amaly-haşam sungaty” fakultetiniň
“Sungaty öwreniş” kafedrasynyň 4-nji ýyl talyby.
