Jemgyýetçilik guramada Ýaşlar baýragynyň gowşurulyş dabarasy
2022-nji ýylyň noýabr aýynyň 17-ine Jemgyýetçilik guramalarynyň merkeziniň binasynda Türkmenistanyň Magtymguly adyndaky Ýaşlar guramasynyň döredilmeginiň 31 ýyllygy mynasybetli ýurdumyzyň Ýaşlar baýragynyň ýeňijilerini sylaglamak dabarasy geçirildi. Bu ýerde edebiýatda, sungatda, medeniýetde, oba hojalygynda, sportda, saglygy goraýyşda, bilim we terbiýeçilik işlerinde tapawutlanan ýaşlaryň 75-si Türkmenistanyň Ýaşlar baýragynyň eýesi boldy. “Halkyň arkadagly zamanasy ýylynda” Türkmenistanyň Döwlet çeperçilik akademiýasynyň “Amaly-haşam sungaty” kafedrasynyň ýaş gujurly zergär mugallymy Şirin Gylyjowa Türkmenistanyň Ýaşlar baýragynyň eýesi diýen hormatly ady almak bagty miýesser etdi.
