Saglyk, bilim we sport – berkararlygyň berk binýady
Jemgyýetiň has takygy ýaş nesilleriň ösüşi, häzirki zaman bilim ulgamynda ýokary bilimiň döwrebap kämilleşmegini talap edýär. Ýaş nesilleriň bilim-ylym derejeleriniň ýokarlandyrmak, orta we ýokary okuw mekdepleri döwrebap täze innowasion tehnologiýalardan üpjün edilmegi ýurt baştutanymyzyň esasy üns merkezinde durýandygynyň aýdyň subutnamasydyr. Ata Watanymyzda sport we sportuň ýokary netijeleri, sagdynlygyň we galkynyşyň gözbaşyna öwrüldi.
Berkarar döwletiň täze eýýamynyň Galkynyşy döwründe türkmen halkynyň milli mirasyny, baý medeni-ruhy gymmatlyklaryny gorap saklamak we gaýtadan öwrenmek üçin Türkmenistanda ähli şertleriň döredilmegi biziň üçin ähmiýeti uludyr. Günsaýyn galkynýan diýarymyzy şekillendiriş sungatynda wasp etmekde sungat işgärleri arman-ýadaman zähmet çekýärler. Ýaňy ýakynda Türkmenistanyň Söwda-senagat edarasynda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara sergisi we ylmy maslahaty geçirildi. Bu edarada Türkmenistanyň Döwlet çeperçilik akademiýasynyň talyplarynyň, ussat mugallymlarynyň gatnaşmagynda, Diýarymyzyň ösüşleriniň waspyny beýan edýän döredijilik eserleriniň sergisi gurnaldy. Sergide Berkarar döwletiň täze eýýamynyň Galkynyşy döwrüni wasp edýän ajaýyp zergärçilik, sungat eserleri, çeper elli ýaş halyçylarymyzyň döreden gözel halylary we haly önümleri, şeýle hem halypa suratkeşlerimiziň Watanymyzy, gözel tebigatymyzy wasp edýän ajaýyp eserler serginiň gözelligine görk goşdy. Keramiki eserler sergä aýratyn gözellik berýär. Çünki bezeg küýzeleri ajaýyp öwüşginli dürli reňkler bilen bezelip, olaryň merkezinde milli nagyşlar gadymdan gelýän gymmatlyklarymyzy ýada salýar.
Berkarar döwlet täze eýýamynyň Galkynyşy döwründe saglygy goraýyşdaky, bilimdäki we sportdaky özgertmeleri şöhlelendirýän sergi tomaşaçylarda uly gyzyklanma döretdi.
Ogulsona Öwezmyradowa,
Türkmenistanyň Döwlet çeperçilik akademiýasynyň
“Sungaty öwreniş” kafedrasynyň 2-nji ýyl talyby
