Berkarar döwletimiziň täze eýýamynyň Galkynyşy döwründe «Halkyň Arkadagly zamanasy» ýylynyň 25-nji aprelinde Türkmenistanyň Döwlet çeperçilik akademiýasynda Türkmenistanyň Döwlet medeniýet merkeziniň Kärdeşler arkalaşygy guramasynyň başlygy Täçsoltan Kakajanowanyň, Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň guramaçylyk bölüminiň müdiri Näzik Ataýewanyň gatnaşmaklarynda talyp ýaşlaryň arasynda «Türkmenistanyň hünär-tehniki, orta hünär we ýokary okuw mekdeplerinde okaýan talyp gyzlary watansöýüjilik ruhynda terbiýelemek, milli mirasymyza hormat goýmak, zähmete söýgi döretmek, millilik, maşgala mukaddesligi, arassa ahlaklylyk, jemgyýetde sagdyn durmuş ýörelgelerini» wagyz etmek boýunça duşuşyk geçirildi. Duşuşykda çykyş edenler Berkarar döwletiň täze eýýamynyň Galkynyşy döwründe halkymyzyň müňýyllyklardan gözbaş alyp gaýdýan asylly ýörelgelerine eýerip, mynasyp nesli kemala getirmek babatda uly işler alnyp barylýar diýip bellediler. Munuň özi her bir adamyň esasanam ýaş nesilleriň kalbynda buýsanç duýgusyny oýaryp, nesillerimiziň ýagty geljegine bolan ynamyny beýgeldýär. Edep-terbiýe halkyň ýaşaýyş durmuşy bilen ösýär, taryhyň uzak ýolunda kämilleşýär, adamzadyň aňynda orun alýar. Şeýlelikde, nesilme-nesil dowam edýän mizemez ýörelgelere öwrülýär. Ýaşuly neslini sylamak, kiçä hormat goýmak türkmen halkynyň asylly däpleriniň biridir diýlip çykyşlarda bellenildi.
25
04
2022
