Ýaş alymlaryň ylmy üstünlikleri wagyz edildi
Hormatly Prezidentimiz Gurbanguly Berdimuhamedowyň öňdengörüjilikli ýolbaşçylygynda ýurdumyzyň ylym we bilim ulgamlarynda ägirt uly işler durmuşa ornaşdyrylýar. Ylmy işler bilen meşgullanýan ýaşlara taslamalary ýerine ýetirmek üçin döwrebap tehnologiýalary ulanmaga mümkinçilik berilýär. Bu mümkinçiliklerden dogry peýdalanmak arkaly Türkmenistanyň Döwlet çeperçilik akademiýasynyň talyp ýaşlary erjellik bilen täze taslamalary döredýärler. «Halkyň Arkadagly zamanasy» ýylynyň ilkinji günlerinde, ýagny ýanwar aýynyň 6-syna ýokary okuw mekdebinde Ýaş alymlar geňeşiniň gurnamagynda «Altyn asyr» teleýaýlymy bilen bilelikde ýaş alymlaryň alyp barýan işleri dogrusynda ýazgy edildi. Türkmenistanyň Döwlet çeperçilik akademiýasynda göreldeli talyplardan düzülen kompýuterçiler toparynyň alyp barýan işleri we olaryň gelejekde meýilleşdirilýän taslamalary görkezildi. Şeýle hem «Sungaty öwreniş» kafedrasynyň talyplary şekillendiriş sungatynyň taryhy we nazaryýeti ugurlary boýunça alyp barýan ylmy işleriniň kitapçalary bilen tanyşdyryldy. Teleýaýlymlarda peýdaly gepleşikleriň geçirilmegi we ýaşlaryň ylmy işleri bilen tanyşdyrylmagy ýurdumyzyň ýaş nesilleri üçin hem wajyp bolup durýar.
Ýurdumyzyň ylym pudagyny hasda ösdürmäge giň mümkinçilikleri döredýän, ylmy işleri ýazmakda görelde mekdebi bolup durýan Alym Arkadagymyzyň jany sag, ömri uzak bolsun!
Jemal Toryýewa,
Türkmenistanyň Döwlet çeperçilik akademiýasynyň
«Sungaty öwreniş» kafedrasynyň mugallymy,
Ýaş alymlar geňeşiniň başlygy
«Sungaty öwreniş» kafedrasynyň mugallymy,
Ýaş alymlar geňeşiniň başlygy
