«Garaşsyz Türkmenistanyň milli mirasyny çuňlaşdyryp öwrenmekligiň ylmy ähmiýeti» atly ylmy maslahaty geçirildi
2026-njy «Garaşsyz, baky Bitarap Türkmenistan – bedew batly at-myradyň mekany» ýylynyň 5-nji iýunynda Türkmenistanyň Döwlet çeperçilik akademiýasynyň mejlisler jaýynda «Garaşsyz Türkmenistanyň milli mirasyny çuňlaşdyryp öwrenmekligiň ylmy ähmiýeti» atly mugallymlaryň we talyplaryň ylmy-amaly maslahaty geçirildi. Maslahat çeperçilik akademiýasynyň dört bölümçesinde dowam etdi. Maslahatda Ýagşygeldi Kakaýew adyndaky Halkara nebit we gaz uniwersitetiniň mugallymy H.Gurbannazarowyň «Ylymlar güni mynasybetli ýurdumyzyň ýaşlarynyň arasynda ylmy işler», Magtymguly adyndaky Türkmen döwlet uniwersitetiniň mugallymy A.Hajyýewanyň «Reňk atlarynyň grammatik klassifisirlenmegi», Myrat Garryýew adyndaky Türkmenistanyň Döwlet lukmançylyk uniwersitetiniň mugallymy M.Beknazarowanyň «Ylym – ösüşleriň hereketlendiriji güýji», Türkmenistanyň Inžener-tehniki we ulag kommunikasiýalary institutynyň mugallym-öwrenijisi Ç.Gylyjowanyň «Türkmenistanyň ykdysady ösüşinde innowasion tehnologiýalaryň orny» ýaly çykyşlar ýerine ýetirildi.
