Bagtyýar zenanlar
Hormatly Prezidentimiz Gurbanguly Berdimuhamedowyň ýiti pähiminden joşup çykan «Enä tagzym – mukaddeslige tagzym» atly kitaby esasynda Türkmenistanyň Zenanlar birleşiginiň Merkezi Geňeşi, Türkmenistanyň Döwlet çeperçilik akademiýasynyň ilkinji zenanlar guramasynyň bilelikde guramagynda ylym-bilim alýan talyp gelin-gyzlaryň arasynda ene-mamalarymyzdan miras galan el-işlerini, sagdynlyk we bagtyýarlyk, edep-terbiýe ähmiýetli wagyz-nesihat döredijilik duşuşygy geçirildi. Bu duşuşyga Aşgabat şähriniň 132-nji orta mekdebiniň halypa mugallymy Ogultäç Babaýewa we 5-nji saglyk öýüniň maşgala lukmany Ogulsabyr Rejepowa dagylar gatnaşdylar. Olar özleriniň çuň manyly çykyşlary bilen döredijilik duşuşygynda ene-mamalarymyzyň ündewleri, gadymdan gelýän milli häsiýetli çeper keşdelerimiziň gymmaty dogrusynda giňden gürrüňler edildi. Lukman öz gezeginde sagdynlyk, dogry iymitlenmek, ýaş nesilleriň ruhy we beden taýdan sagdyn kemala gelmegi dogrusynda gyzykly pikirlerini beýan etdi.
Mähriban Arkadagymyz medeniýete we sungata, zenan mertebesine, milli gymmatlyklarymyza örän uly sarpa goýýar. Türkmenistanyň Döwlet çeperçilik akademiýasynyň talyp-ýaşlary hormatly Prezidentimiziň jöwher paýhasyndan çykan kitaplary yzygiderli okaýarlar. Gahryman Arkadagymyzyň gymmatly ylmy eserleri ýaşlarymyzda döredijilik işlerine ylham çeşmesi bolup uly itergi berýär. Bize ýokary mümkinçilikler döredip beren hormatly Prezidentimiziň jany sag, ömri uzak bolsun!
Türkmenistanyň Döwlet çeperçilik akademiýasynyň
Ilkinji Zenanlar guramasynyň başlygy
Aýjemal Çaryýewa
