Türkmen Eýran dostluk sergisi geçirildi
2023-nji ýylyň
14-15-nji dekabrynda Mary şäheriniň Taryhy we ülkäni öwreniş muzeýinde Türkmenistanyň
hem-de Eýran Yslam Respublikasynyň bilelikdäki amaly-haşam we mozaika
sungatynyň eserleriniň sergisi boldy. Sergide Türkmenistanyň Döwlet çeperçilik
akademiýasynyň talyp ýaşlarynyň köp ugurly dürli öwüşginde ýerine ýetirilen amaly-haşam sungatynyň,
halyçylyk, zergärçilik, keramika
eserleri hem-de ussatlyk sapagy görkezildi. Milli mirasymyzy açyp görkezýän
döwrebap döredijilik sungat eserleri sergä gatnaşanlarda uly gyzyklanma döretdi.
