Sanly bilim ulgamynda açyk olimpiýadasy geçirildi
Döwlet Baştutanymyzyň parasatly içeri we daşary syýasaty netijesinde Diýarymyz dünýäde ähli ugurlar boýunça sazlaşykly ösýän kuwwatly döwletleriň biri hökmünde tanalýar. Milli Liderimiziň taýsyz tagallalary bilen ýudumyzda ýaş nesilleriň giň dünýägaraýyşly, kämil bilimli, häzirki zaman tehnologiýalardan gowy baş çykarýan hünärmenler bolup ýetişmegi ugrunda, aýratynam, bilim ulgamyny ösdürmekde uly işler alnyp barylýar.
Hormatly Prezidentimiziň ylmyň we tehnikanyň iň täze gazananlaryna esaslanyp ylymly-bilimli, giň gözýetimli, häzirki zaman enjamlaryndan oňat baş çykaryp bilýän kämil hünärmenleri taýýarlamak baradaky tabşyryklaryndan ugur alyp, talyp ýaşlaryň ukyp başarnyklaryny ýüze çykarmak, olaryň ylmy-döredijilik işlerine we halkara derejesinde geçirilýän ders bäsleşiklerine işjeň gatnaşyp, netijeli çykyş etmeklerini gazanmak maksady bilen Halkara ynsanperwer ylymlary we ösüş uniwersitetinde 2021-nji ýylyň noýabr aýynyň 19-na ýokary okuw mekdepleriniň talyplarynyň arasynda «Häzirki zaman türkmen jemgyýeti» dersi boýunça 2-nji açyk olimpiýadasy geçirildi. Bu açyk görnüşli olimpiýadasyna Türkmenistanyň Döwlet çeperçilik akademiýasyndan birnäçe talyplar gatnaşdy we «Amaly-haşam sungaty» fakultetiniň 2-nji ýyl talyby Gyzylgül Çaryýewa ýokary okuw mekdebi tarapyndan berlen diploma mynasyp boldy. Açyk olimpiýadanyň geçirilmegi ýokary okuw mekdepleriniň arasynda tejribe gatnaşyklary berkitmek we özara bähbitli ylmy maglumatlary alyşmak we zehinli ýaşlary ýüze çykarmakda uly mümkinçilik bolup durýar.
Döwrebap bilimiň milli terbiýeçilik ulgamy bilen utgaşdyrylmagy ýaşlarymyzyň watansöýüjilik, saýlap alan hünärlerinden täze tehnologiýalary özleşdirmek arkaly ussat hünärmenler bolup ýetişmegine uly itergi berýär.
Talyp ýaşlara ähli taraplaýyn goldaw berýän we olaryň kämil hünärmenler bolup ýetişmegi ugrunda uly tagallalar edýän Gahryman Arkadagymyzyň janynyň sag, ömrüniň uzak, il-ýurt bähbitli alyp barýan işleriniň hemişe rowaç bolmagyny arzuw edýäris!
Gülälek Keroglyýewa,
Türkmenistanyň Döwlet çeperçilik akademiýasynyň
«Jemgyýeti öwreniş ylymlary» kafedrasynyň mugallymy
