Page 294 - Gujurly 2019

SUNGATYŇ TARYHY WE NAZARYÝETI
294

ZEHINLI ÝAŞLARYŇ SERGISI

Berkarar döwletimiziň bagtyýarlyk döwründe hormatly Prezidentimiz ylym-
bilim, medeniýet we sungat ulgamlarynyň gülläp ösmegi üçin yzygiderli tagallalary
durmuşa geçirýär. Mähriban Arkadagymyzyň bu ugurdan berýän mümkinçiliklerden
peýdalanyp, häzirki wagtda ildeşlerimizi, aýratyn-da ösüp gelýän ýaş nesillerimizi
Türkmenistanyň şekillendiriş sungatynyň taryhy bilen tanyşdyrmak, milli mirasymyzyň
dürdäneleriniň häzirki zaman çeperçilik sungaty eserlerinde şöhlelenişini wagyz
etmek, şekillendiriş sungatynyň görnüşleriniň ähmiýetini düşündirmek, sungat
mekdepleri we olaryň çeperçilik sungatyny ösdürmekde eýeleýän ähmiýetli orny

barada giňişleýin maglumat bermek babatda uly işler alnyp barylýar.
14-nji dekabrda Türkmenistanyň Döwlet çeperçilik akademiýasynyň binasynda
açylan «Gujurly ýaşlar» atly döredijilik bäsleşikli sergi öňde agzalyp geçilen wezipeleri
amal etmekde wajyp çäreleriň biri boldy. Däp bolan serginiň geçen ýyllar bilen
deňeşdirilende bir aýratynlygy bu gezekki sergä ýokary okuw mekdebini üstünlikli
tamamlap, ýurdumyzyň dürli künjeklerinde döredijilikli zähmet çekýän uçurymlaryň
hem öz işleri bilen gatnaşmaklarydyr. Sergide nakgaşlyk, grafika, heýkel, dizaýn,
binagärlik we amaly-haşam sungaty eserleri hem-de sungaty öwrenijileriň taýýarlan
albomlary, kitapçalary sergilendi. Täze çeperçilik gözlegleri bilen ýerine ýetirilen bu
taslamalar tomaşaçylaryň ünsüni çekdi. Ol eserleri synlanyňda, gujur-gaýratly, erjel
talyplaryň ylham joşgunyny görmek bolýar.

Zehinli talyplar Z. Babaýewiň “Hazar deňiz porty”, A. Sytdyhowyň “Mäne
babanyň Çagry beg we Togrul bege ak pata berişi”, S. Rejepowanyň “Akpamyk”, Ý.
Jumagulyýewiň “Süýjülik”, L. Çaryýewanyň “Şaglawuk” ýaly nakgaşlyk eserlerinde
gülleýän Watanymyz, taryhy şahsyýetleriň keşbi, türkmen halk döredijiligi, gözel
tebigatymyz we ir-iýmişler dürli reňkleriň üsti bilen beýan edilýär. M. Welmyradowanyň
“Çaga oýunlary” atly kitap bezegi, S. Gylyjowyň “Ak şäherim Aşgabat” atly grafika
we M. Bazarowyň “Kompozitor Nury Halmämedowyň portreti”, S. Myradowyň, N.
Seýtiýewiň “Türkmen alabaýy’”, M. Amangylyjowyň “Şükür bagşynyň portreti” diýen
heýkel işleri tomaşaçylarda uly täsir galdyrdy.

Şeýle hem A. Seýidowanyň “Türkmen tebigaty”, H. Söýünowanyň
“Ülkämiň nygmaty” ýaly dizaýn işleri gözelligi we ýitiligi bilen tapawutlanýar.
J. Rahmanberdiýewanyň “Türkmen tebigaty” atly gobelen eserinde türkmen
sährasynda iki sany kiçijek alabaý itiniň keşbi şekillendirilipdir.
Bu sergide ýaş sungaty öwrenijileriň taýýarlan albomlary, kataloglary we
kitapçalary tomaşaçylarda uly gyzyklanma döretdi. G. Mämiýewiň “Sungat
we nazaryýet”, M. Çerkezowyň “Döredijilik ýolunda”, O. Çüriýewanyň “Halkyň
durmuşyndan ylham alan suratkeşler”, Ý. Beginýazowanyň “Halkyň ruhy mirasy”,
B. Jumaýewiň “Türkmen bedewi 2019”, Ş. Saparowyň “J. Jumadurdynyň haşam