Page 295 - Gujurly 2019

SUNGATYŇ TARYHY WE NAZARYÝETI 295

heýkelleri”, A. Abdyweliýewanyň “Millilik dowamaty halylarda şöhlelenýär”, G.
Kurbanmuhammedowa “Türkmen şekillendiriş sungatynda Bäşim Nuralynyň keşbi”,
M. Annamyradowyň “Uçgun-5” diýen ýaly işleri görkezilýär.
Bilim we sungat ojagymyzda halypa mugallymlaryň irginsiz zähmeti bilen ýaş
sungaty öwrenijiler zehinlerini baýlaşdyrýarlar, nazary we amaly alan bilimlerini
tejribede synap görýärler. Munuň özi hünär kämilligini artdyryp, sungatşynaslyk
syrlaryny öwrenmekde uly ähmiýeti bar. Hormatly Prezidentimiziň sanly bilim
ulgamyna uly ähmiýet bermegi netijesinde, ýaşlar häzirki zaman kompýuter
tehnologiýalaryndan baş çykaryp, döwür bilen aýakdaş gadam urmaga synanyşýarlar.
Şeýle mümkinçiliklerden peýdalanyp, ýaş sungaty öwreniji talyplar hem kompýuterde

«Adobe Indizaýn» programmada albomlaryny, kitapçalaryny taýýarlap, çap edilen
görnüşinde ady agzalan sergide tomaşaçylar köpçüligine hödürlediler.
Zehinli talyp Guwanç Mämmiýew “Sungat we nazaryýet” atly albomynda belli
türkmen sungaty öwrenijileri Nurýagdy Ýagşymyradowyň we Azat Annaýewiň
döredijiliklerini açyp görkezipdir. Maksat Çerkezowyň “Döredijilik ýolunda” atly işi
ajaýyp suratkeş Berdi Çaryýewiň döredijilik beýanyny (katalogyny) emele getirýär.
Bu katalogda suratkeşiň täsin eserleri barada ýazylan makalalar we suratlar ýaş
sungaty öwrenji tarapyndan ussatlyk bilen ýerleşdirilipdir. Katalogyň daşky we içki
bezegi örän şowly ýerine ýetirilipdir.

Ýaş sungaty öwreniji Oguldursun Çüriýewanyň “Halkyň durmuşyndan ylham
alan suratkeşler” atly albomy Garaşsyzlyk ýyllary içinde türkmen suratkeşleriniň
döredijiliginde halkyň durmuşyny beýan edýän eserlerinden taýýarlanylyp, bu
eserler hakynda sungaty öwrenijilik nukdaýnazaryndan ýazylan makala bilen
baýlaşdyrylypdyr.
Ýaş sungaty öwrenijileriň ýerine ýetiren işleri sergi tamamlanandan soň, ýokary
okuw mekdebiniň kitaphanasyna tabşyrylar. Sungat bilen gyzyklanýan okyjylar,
bu kitapçalardan we albomlardan gollanma hökmünde peýdalanylyp bilerler. Bizi
ösüşlerden-ösüşlere alyp barýan mähriban Arkadagymyzyň jany sag, işleri rowaç
bolsun!

Ýazgül Beginýazowa,
Türkmenistanyň Döwlet çeperçilik akademiýasy
sungaty öwreniş hünäriniň
4-nji ýyl talyby.
«Watan» gazeti. 17.12.2019

МС