Page 288 - Gujurly 2019
P. 288
SUNGATYŇ TARYHY WE NAZARYÝETI
288
— Talyplarymyz täzeçil mazmundaky döreden taslamalary bilen gatnaşýarlar.
Dizaýn sungatynyň esasy wezipesi — täzeçillik. Işlerde abstrakt we haşam çözgütleri
bar. Mähri Ýazmyradowanyň, Sülgün Rahmanowanyň, Jahan Atdaýewanyň,
Mähri Meretdurdyýewanyň, Hatyja Söýünowanyň eserlerinde dizaýn sungatynyň
köp taraply täzelikleri görkezilýär. Ýaşlara kämil bilim bermekde döredilýän
mümkinçilikler üçin hormatly Prezidentimize alkyşlarymyz çäksizdir — diýip, Döwlet
çeperçilik akademiýasynyň dizaýn kafedrasynyň müdiri, Türkmenistanyň sungatda
at gazanan işgäri Jumageldi Amangeldiýew aýdýar.
Ýeri gelende bellesek, şu gezekki açylýan gujurly ýaşlaryň sergisine çeperçilik
akademiýasyny dürli ýyllarda tamamlan ýaşlar-da täze işleri bilen gatnaşýarlar.
Sergide döreden eserleri bilen has tapawutlanan ýaşlar Türkmenistanyň
Kärdeşler arkalaşyklarynyň Milli merkezi hem-de Magtymguly adyndaky Ýaşlar
guramasynyň Merkezi geňeşi tarapyndan sowgatlar bilen sylaglandy.
«Türkmenistan — rowaçlygyň Watany» ýylynyň ahyrky günlerinde açylan bu
sergi ýaşlaryň döredijilik rowaçlygydyr.
Guwanç Mämiýew.
Türkmenistanyň Döwlet çeperçilik
akademiýasynyň 5-nji ýyl talyby.
«Türkmenistan» gazeti. 20.12.2019.
