Page 287 - Gujurly 2019

SUNGATYŇ TARYHY WE NAZARYÝETI 287

GUJURDAN DÖRÄN ESERLER

Şu günler Döwlet çeperçilik akademiýasynyň Sergiler jaýynda «Gujurly ýaşlar»

atly döredijilik sergisi dowam edýär. Sungat ojagynda kämil bilim alýan, zehinli
ýaşlaryň eserlerinden ybarat bolup, guralmagy däbe öwrülen bu sergi eýýäm
dördünji gezek gapysyny giňden açdy.
2016-njy ýyldan bäri her ýylyň dekabrynda açylýan döredijilik sergisindäki
eserlerde Watanymyzyň şöhratly taryhy ýolundan başlap, şu günki bagtyýarlyk
döwrüniň rowaç menzilleriniň waspy öz beýanyny tapýar.
«Gujurly ýaşlar» atly sergi — gujurly ýaşlaryň döredijilik sergisi. Onda
çeperçilik akademiýasynyň gollary gujurly nakgaşlaryňdyr grafikaçy suratkeşleriniň,
halyçylarydyr küýzegärleriniň, zergärleridir binagärleriniň, dizaýnerleridir sungaty
öwrenijleriniň zereň zehininden dörän eserlerini synlamak bolýar. Sergide jemi

300 töweregi eser jemlenip, olar sungatyň taslama, durmuşy, natýurmort, portret,
peýzaž, taryhy žanrlaryna degişlidir.
Ýaş nakgaşlar ýurdumyzda hormatly Prezidentimiziň tagallasy bilen gurlan
iri desgalar, halkymyzyň milli ýörelgeleridir däp-dessurlary, türkmen toýy, tebigat
gözelligi, ajaýyp döwrüň nesilleriniň bagtyýarlygy, mahlasy, durmuşyň dürli
pursatlaryny şekillendiripdirler. Portret žanryndaky nakgaşlyk işlerinde medeniýet
we sungat ussatlarynyň keşbi suratlandyrylýar. Peýzaž žanrynda Diýarymyzyň dört
paslyna mahsus bolan gözel görnüşler hem-de ýurdumyzyň täsinlikler dünýäsiniň
şekili reňkleriň sazlaşygynda has-da ajaýyp görünýär. Umuman, tebigatdaky bar
bolan baý gözellikler sungat eserlerinde synlamagyň täsiri başgaça bolaýýar.
Ekspozisiýada tyllaýy öwüşginleri özünde jemleýän eser ýerleşdirilipdir. Gunça

Ataýewanyň «Derwezedäki syýahatçylar» atly işi jahankeşdeleri haýrana goýýan,
tebigatyň täsinligi bolan «Garagumuň ýalkymy» hakdaky eser juda täsirli.
Zakirjan Babaýewiň «Halkara deňiz porty» atly eserinde Türkmenbaşy
Halkara deňiz portundaky işçileriň zähmeti görkezilýär. Suratkeş bu suratyny porta
gidip döredipdir. Eserde iş pursatlar şekillendirilipdir. Argynsyz işleýänleri synlap,
«Armaweriň!» diýesiň gelýär.
Şowludan-şowly çykan eserler synlaýana ýakymly duýgulary bagyşlap,
öz deňinde egleýär. Ýaş sungaty öwreniji Maksat Çerkezowyň suratkeş Berdi
Çaryýewiň döredijiligine bagyşlap taýýarlan kitapçasy özüniň çeper baýlygy bilen

tapawutlanýar. Kakageldi Patdykowyň hem-de Ahat Mälikowyň bilelikde ýasan
«Sungat ägirtleri» atly heýkel eserinde kompozitor Nury Halmämmedowdyr şahyr
Gurbannazar Ezizowyň heýkelleriniň sazlaşykly berilmegi heýkeltaraşlyk sungatynyň
täsin taraplaryny özünde jemleýär.
Dizaýnerleriň we grafikaçy suratkeşleriň taslama işleri pelsepewi pikirleri
özünde jemläp, sýužeti çözmeklige pikirlendirýär.

МС