Page 6 - Gujurly 2018

6 GUJURLY ÝAŞLAR - 2018

KÄMILLIK ÝOLY

“Türkmenistan – Beýik Ýüpek ýolunyň ýüregi” ýylynda eziz Diýarymyz
rowaçlyga, bagtyýarlyga beslenip, bedew bady bilen öňe barýar. Gahryman
Arkadagymyzyň taýsyz tagallasy netijesinde ösüp gelýän ýaş nesliň ylymly, bilimli,
giň dünýägaraýyşly bolup ýetişmekleri üçin ähli şertler döredilýär.
Türkmenistanyň Döwlet çeperçilik akademiýasynyň sergiler jaýynda
“Türkmenistan Beýik Ýüpek ýolunyň ýüregi” ýylynda dekabr aýynyň 15-ne “Gujurly
ýaşlar” atly döredijilik sergi açyldy. Bu sergide nakgaşçylyk, grafika, heýkel, dizaýn
we binagärlik we amaly-haşam ugurlary boýunça okaýan zehinli talyplaryň döredijilik
eserleri we ýaş sungaty öwrenijileriň taýýarlan albomlary görkezilýär. Sergä gelen
tomaşaçylarda talypalaryň ýerine ýetiren taslamalary uly täsir galdyrdy. Döredijilikli
sergidäki taslamalarda Türkmenistan Döwletimiziň beýik ösüşleri suratlandyrylýar.
“Gujurly ýaşlar” atly döredijilik taslamasy gelejekgi ýaş nesiller üçin Türkmenistanyň
Döwlet çeperçilik akademiýasynyň ýüzi bolup durýar. Bu taslama akademiýa üçin
uly abraý diýsek hem ýalňyşmarys. Türkmen sungatynyň kämil täze nesliniň kemala
gelýan, ojagy bolan Türkmenistanyň Döwlet çeperçilik akademiýasynda okaýan
ýaş talyplar üçin işlemäge täze-täze gözlegleri amala aşyrmaga doly şertler bar.
Elbetde sergide görkezilen eserler talyplaryň kämillik ýoluna tarap barýan döredijilik
ugrynyň şu günki günde ýeten derejeleriniň hasabaty bolup durýar. Sergide her
talyp öz döredijilik ýoly we döreden täze eserleri bilen tanalýar. Sebäbi çeperçilik
akademiýamyzyň halypa mugallymlarynyň çekýän zähmetiniň ulydygyny aňlatýar.
Sergide ýerleşdirilen heýkel eserler talyplaryň zehinini açyp görkezýär.
Esasanam sport temasyndan döredilen eserler has özüne çekiji. Sport halkymyzyň
abraýyny ýokarlandyrmaga, dostluk-doganlyk gatnaşyklarynyň berkemegine oňyn
täsirini ýetirýär. Talyplarymyz hem Döwlet ösüşlerinden ruhlanyp bu üstünlikleri öz
eserlerine siňdirmeklige çalyýarlar. Sungat ojagymyzyň gujurly talyplary döreden
işlerinde özleriniň ýürek joşgunlaryny, gözleglerini, gyzyklandyrýan pikirlerini inçelik
bilen suratlandyrmagy başarypdyrlar. Geljekde-de zehinli talyp ýaşlarymyzyň
galamynyň ýiti bolup döredijilik äleminde uly üstünliklere ýetmegini arzuw edýärin.

Babasary Annamyradow
Türkmenistanyň Halk suratkeşi
Türkmenistanyň Döwlet çeperçilik
akademiýasynyň hormatly doktory
Türkmenistanyň hormatly il ýaşy ulysy