Page 22 - Gujurly 2017

KALPLARDA GUJUR

BAR, HÜNÄRE SARPA ...

Hormatly Prezidemtimiz: “Döredilýän eserler durmuşdan üzňe däl-de, çuň
mazmunly ýokary çeperçilikli, halkymyzyň milli aýratynlyklaryny we durmuş hakykatyny
beýan edýän eserler bolmalydyr.” diýip belleýär. Türkmenistanyň Döwlet çeperçilik
akademiýasynda her ýylyň ahyrynda “Gujurly ýaşlar” atly talyplaryň döredijilik
sergisi halk köpçüligine hödürlenilýär. Bu ýyl hem 2017-nji ýylyň dekabr aýynyň 15-ine
Türkmenistanyň Döwlet çeperçilik akademiýasynyň sergiler jaýynda bu sergi açyldy.
Çeperçilik taýdan aýratyn tapawutlanýan nakgaş, heýkel, amaly-haşam sungatynyň
işleri sergä aýratyn öwüşgin çaýdy. Ýaş suratkeşleriň eserlerinde hakykaty kabul etmegiň
özboluşlylygy, çeper akymlaryň köpdürliligi, halk döredijiliginiň däplerine eýermek we
häzirki zaman çeper sungatynyň özleşdirlendigini duýmak bolýar. Ussat halypalardan
bilim alan ýaş suratkeşleriň portret, peýzaž, taryhy, durmuşy žanrlarda halkymyzyň milli
aýratynlyklaryny, tebigatymyzyň özboluşlylyklaryny, taryhy ýadygärliklerimizi, geçmişimizi
we şu günümizi ussatlyk bilen suratlandyrmagy başarypdyrlar. Her bir adamyň öz işine
öz ýoluna ökdeligi bolýar. Ussat halypalardan tälim alan talyp ýaşlar hem şekillendiriş
sungatynyň dürli görnüşlerinde durmuşyň aýratyn gözel pursatlaryny, tebigatymyzyň
gözelligini, galyberse-de gündizleri parahat, gijeleri asuda ak şäher hökmünde tanalýan
Aşgabat şäherimiziň gözel künjeklerlini ajaýyplygyny wasp edýärler. Eserler taslama
çözgüdiniň baýlygy bilen, reňk öwüşgünleriniň aýratynlygy bilen has-da tapawutlanýar.
Sergide hödürlenen işler ölçegleri boýunça ululygy bilen tapawutlandy. “Gujurly ýaşlar”
atly sergide Ş.Orazlyýewiň “Kyrk galandar”, B.Begsähedowyň “Golf”, Ý. Jumageldiýewiň
“Açylyş dabarasy”, M.Hudaýberdiýew “Täze obada toý”, S.Agaýewiň “Küştdepdi”,Z.Syt-
dyhowanyň “Sport”, J.Bäşimowanyň “Sazlaşyk” ýaly ýene-de birnäçe döredijilik eserleri
giň halk köpçüligine hödürlendi.
Ýaş suratkeşleriň eserlerini synlap olaryň tebigatymyzy, Watanymyzyň her bir daban
ýerini jany-teni bilen söýýändiklerini duýmak bolýar. Sergi – bu suratkeşiň synagydyr.
Sergilerde hödürlenýän sungat eserleri gözellik hakyndaky tämiz duýgulary oýarýar.
Sungat eserleri synlap adamlar dünýäni owadanlyga öwreliň diýesiň gelýär. Sungatyň
hak howandary Hormatly Prezidentimiziň jany sag bolsun, belent başy aman bolsun.

Türkmenistanyň Döwlet çeperçilik akademiýasynyň
“Jemgiýeti öwreniş ylymlary” kafedrasynyň mugallymy
Maýa Halykberdiýewa.
Edebiýat we sungat,
2017-nji ýylyň 22-nji dekabry

22