Page 5 - Gujurly 2019
P. 5
jemgyýetçilik binalarynyň içki bezeginiň dürli görnüşlerini, egin-eşikleriň täze
nusgalaryny görkezipdirler.
Bu serginiň mysalynda çeperçilik akademiýasynda bilim bermegiň usulyýeti,
ýagny ýönekeýlikden kem-kemden çylşyrymlylyga geçmek, şekillendiriş sungatyň
esasy hökmünde realistiki usulda çekmegi özleşdirmek, keşbi uzak wagtlaýyn
düýpli özleşdirmek, şekili we reňk sazlaşygyny, taslama çözgüdini işiň mazmunyna
laýyklykda seljermek ýaly esasy usullary we düzgünleri aýdyň görkezildi. Sergide
talyplar Aly Sytdyhow, Patdyk Patdykow, Ahat Mälikow, Myrat Amanow, Güljemal
Baýramgeldiýewa we uçurymlar Çingiz Töräýew, Baýgeldi Annamedow, Hezretguly
Annageldiýew, Jeýran Umarowa, Döwletmyrat Durdyýew dagylar özleriniň döredijilik
işleri bilen aýratyn tapawutlandylar.
Hormatly Prezidentimiz Gurbanguly Berdimuhamedowyň ýolbaşçylygynda
batly gadam bilen ösýän diýarymyzyň taryhy sahypalaryny, medeni mirasyny,
bu günki bagtyýar döwrüni talyplarymyzyň eserlerinde wasp edilmegi ýaşlaryň
döwrebap garaýyşlaryny şöhlelendirip bilýändigini görkezip, olaryň geljekde biziň
sungatymyzy ösdürjekdiklerine berk ynam döredýär.
Ahatmyrat Nuwwaýew,
Medeniýeti öwreniş ylymlarynyň kandidaty,
Türkmenistanyň Döwlet çeperçilik
akademiýasynyň rektory
“GUJURLY ÝAŞLAR - 2019” SERGISINDEN PURSAT
5
