Page 284 - Gujurly 2018

284 SUNGATYŇ TARYHY WE NAZARYÝETI

SPORT WE DÖREDIJILIK

Mähriban Arkadagymyzyň parasatly ýolbaşçylygynda Berkarar döwletimiziň
bagtyýarlyk döwründe Diýarymyzda medeniýetde, sungatda uly ösüşler gazanylýar.
Hormatly Prezidentimiziň ýurdumyzyň medeniýet ulgamyny ösdürmek baradaky
tagallalaryndan ugur alyp, Türkmenistanyň Döwlet çeperçilik akademiýasynda
ýokary derejeli hünärmenleri taýýarlamakda uly işler alynyp barylýar.
Zehinli talyplar halypa mugallymlaryň ýolbaşçylygynda şekillendiriş sungatynyň
inçe syrlaryny öwrenmek bilen, guralýan dürli sergilere işjeň gatnaşýarlar. birnäçe
sergilere gatnaşýarlar. Ýakynda Türkmenistanyň Döwlet çeperçilik akademiýasynyň
talyplary özleriniň taýýarlan sungat eserleri bilen “Gujurly ýaşlar” atly döredijilik
sergisine gatnaşdylar. Sergide “Amul-Hazar 2018” halkara awtoralli ýaryşyndaky
pursatlara degişli eserleri dizaýn kafedrasynyň zehinli talyplary Ýazjemal
Rejepowanyň, Aýsoltan Arslanowanyň, Eziz Rahmankulowyň hem-de Kakamyrat

Öwezgeldiýewiň işlerinde has aýdyň görmek bolýar. Talyplar özleriniň eserlerinde
halkara awtoralli ýaryşynda Garagum sährasynyň gözelliginde ulaglaryň bäsleşýän
pursatlaryny şöhlelendirýärler. Amaly-haşam kafedrasynyň talyby Ahmet Orryýewiň
relýef görnüşli keramikasynda awtorallä gatnaşan ulagyň çalt depginde pellehana
barýan görnüşi şekillendirilipdir. Şeýle hem, eserde medeni-arheologiki ýadygärlikler
görkezilýär.
“Amul-Hazar 2018” halkara awtorallisi grafika sungatynda-da öz beýanyny tapdy.
Göreldeli talyp deň-duşlarymyz Gülşat Annamyradowa, Ogulmaral Şamyradowa,

Annadursun Babaýewa, Söhbet Gylyjow halkara awtoralliniň ähmiýetini hem-
de onuň ugrynda ýerleşýän taryhy-medeni ýadygärlikleri, tebigat täsinliklerini öz
işlerinde çeperçilik bilen şöhlelendirmegi başarypdyrlar. Eserleriň kiçijek bölekleriniň
doly anyklyk bilen işlenilmegi döredijiniň zehinini ýene bir ýola subut edýär. Talyplar
öz döreden ajaýyp eserlerini akwarel kagyzyň ýüzünde, tuşuň, peronyň kömegi
bilen ýerine ýetiripdirler.
Ýaş suratkeşler işlerinde özleriniň ýürek joşgunlaryny, pikirlerini ussatlyk
bilen janlandyrmagy başarypdyrlar. Mundan beýläk hem ýaş suratkeşlere sungat
äleminde uly şowlulyk arzuw edýäris. Şeýle-de, biz ýaşlara taryhymyzy öwrenip
täze döwrebap eserleri döretmäge uly mümkinçilikleri döredip berýän Hormatly
Arkadagymyza köp sagbolsun aýdýarys. Goý, Hormatly Prezidentimiziň jany sag,
belent başy aman bolsun! Il bähbitli, ýurt ähmiýetli tutýan tutumly işleri elmydama

rowaç alsyn!

Oguldursun Çüriýewa
Türkmenistanyň Döwlet çeperçilik akademiýasynyň
“Sungaty öwreniş” kafedrasynyň III ýyl talyby.
Türkmen sporty gazeti. 22.12.2018