Page 287 - Gujurly 2018

SUNGATYŇ TARYHY WE NAZARYÝETI 287

SUNGATYM BAR,

SARPAM BAR

Berkarar döwletimiziň bagtyýarlyk döwründe hormatly Prezidentimiziň
ýolbaşçylygynda Türkmenistan uly ösüşlere eýe bolýar. Döwletimiz tarapyndan
sungatymyzy, medeniýetimizi,milli mirasymyzy dünýä derejesine çykarmak,ýaşlaryň
dünýägaraýşyny giňeltmek ugrynda düýpli özgertmeler amala aşyrylýar.
Gahryman Arkadagymyz:”Watana söýgi,geçmişine buýsanç,şu günüňe
guwanç,geljegiňe ynam,şanly taryh geçmişden gözbaş alýar. Hut şonuň üçin hem her
bir nesil şöhratly taryhyny, medeni üstünliklerini-milli buýsanjyny çuňňur bilmelidir”diýip
belleýär.
Her bir ýurduň döredijilik işgärleri,ýazyjy şahyrlar,suratkeşlerdir zergärler öz döredýän
eserleri,işleri bilen şol ýurduň keşbini açyp görkezýärler. Haýsy ýurduň sungaty,edebiýaty
ösen bolsa,şol ýurt güýçli döwlet hasaplanýar.Häzirki wagtda biziň sungat ojagymyz bolan
Türkmenistanyň Döwlet Çeperçilik akademiýasynda okap,bilim alýan talyp ýaşlaryň
döredýän eserlerinde hem ýurdumyzyň şu güni we geljegi şöhlelenýär.Dünýä gözelligi
adamlaryň ýüreginde jemlenen.şol gözellikleri ähli dilde,sözsüz düşündirýän ynsanlar hem
sungat işgärlerdir.Dünýä gözelligi bolsa olaryň döredýän ajaýyp sungat eserlerindedir.Uly
yhlas bilen döredilen eserleri synladygyňça, synlasyň gelýär.Bu bolsa çeperçilik ýollarynyň
inçe syrlaryny halypa mugallymlarymyzdan öwrenýän talyplarymyzyň geljekde sungat
älemine uly goşant goşjakdyklaryndan nyşandyr.Ýaşlaryň ylym—bilime, sungata bolan
höwesiniň we arzuwlarynyň amala aşmagy üçin giň mümkinçilikleri döredip berýän hormatly
Prezidentimize alkyşymyz çäksizdir. Sungatyň,medeniýetiň Hak Howandary Gahryman
Arkadagymyzyň ynamyny ödäp,çuňňur bilimli hünärmenler bolup ýetişip,Watanymyzyň
at-abraýyny dünýä ýaýyp,halkymyza ak ýürekden hyzmat etjekdigimize ynandyrýarys.

Ogulnur Gülhanowa,
Türkmenistanyň Döwlet çeperçilik akademiýasynyň
“Amaly-haşam sungaty” kafedrasynyň 5-nji ýyl talyby.
Nesil. 29.11.2018