Page 20 - Gujurly 2018

20 GUJURLY ÝAŞLAR - 2018

sungatynyň dürli tehnologiýalaryny milli äheňde peýdalanmaklygyň syrlaryny
öwretmeklige gönükdirdi. Türkmenistanyň halk suratkeşi Annaguly Hojagulyýew
Gülşat Ýollyýewa türkmen gobelen sungatynda bolan çeperçilik serişdelerini
özleşdirmäge we täze taslamalary döretmäge ugrukdyrýar. Ýaş mugallym Aýjemal
Çaryýewa Şirin Gylyjowa, Akjagül Jumaýewa, Aýgül Ýazmyradowa milli zergärçilik
sungatynyň däplerini täzeçe öwüşginlerde ýerine ýetirmegi öwredýär.
“Sungaty öwreniş” kafedrasynyň uly mugallymy, Türkmenistanyň sungatda at
gazanan işgäri Maýa Jumaniýazowa Döwrangeldi Moýtyýewiň 2018-nji ýylda geçirilen
sergilerine bagyşlanyp, “Uçgun”, “Türkmen şekillendiriş sungaty” ýaly kataloglaryň
taslamalarynyň dizaýnyny, Jumagül Myradowanyň “Dünýäniň atly heýkelleri”, Ogulnur
Pirliýewanyň “Babasary Annamyradowyň döredijiliginde portret” ýaly albomlarynyň
taslamalarynda kompýuter bezegini taýýarlamak, makalalary ýazmak, döredijilik
duşuşyklaryna gatnaşmak boýunça işlere ugrukdyrdy. TDÝÇM-nde we TDÇA-nda
işläp, ençeme şägirtleri ýetişdiren sungaty öwreniji, Türkmenistanyň sungatda at
gazanan işgäri Ogulabat Muhatowa öz şägirdi Jemal Toryýewa “Türkmenistanyň
sungaty we arhitekturasy” awtordaşlykda ylmy makalany taýýarladylar. Şeýle
hem “Günbatar ýurtlarynyň şekillendiriş sungatynyň taryhy” dersi boýunça okuw
kitabynyň golýazmasynyň üstünde işleýärler. TDÇA-nyň ylmy işleri boýunça
prorektory Nurýagdy Ýagşymyradowyň şägirdi Guwanç Mämiýewiň 2018-nji ýylda
ýurdumyzyň gazet-žurnallarynda 37 makalasy çap edildi we ol TDÇA-da oktýabr
aýynda “Sungaty öwrenmek – Watanyň gözelligine düşünmek” atly makala ýazmak
boýunça bäsleşiginde birinji orna mynasyp boldy, “Ykballaryň tejribesi – kämilligiň
terbiýesi” atly ylmy-usuly kitabyň taslamasynyň awtory we “Halypa göreldesi –
şägirdiň ýörelgesi” atly katalogyň taslamasynyň awtordaşy bolup, sungaty öwreniş
ylmynyň syrlaryny göz ýetirdi. N. Ýagşymyradowyň Hanmyrat Mämmedow şägirdi
BMG-nyň Türkmenistandaky ilçihanasy tarapyndan “Durmukly ösüş maksatlary we
hemmetaraplaýyn ösüş” we “Durmukly ösüş maksatlary we daşky gurşaw” atly tema
boýunça ýokary okuw mekdepleriniň we jemgyýetçilik guramalarynyň wekilleriniň
arasynda geçirilen döredijilik bäsleşigine wideo şekili bilen gatnaşyp, şahadatnama
mynasyp boldy. G. Mämiýewiň “Ykballaryň tejribesi – kämilligiň terbiýesi” atly
ylmy-usuly kitabynyň taslamasynyň we “Halypa göreldesi – şägirdiň ýörelgesi” atly
kitabynyň taslamasynyň kompýuter bezegini edipdir. “Sungaty öwreniş” kafedrasynyň
müdiri Aýjan Kadyrowa Ogulşat Pirbabaýewanyň “Yzzat Gylyjowyň zenan keşpleri”
albomynyň taslamasyny taýýarlamagyna ýolbaşçylyk etdi. Jeren Baltaýewanyň
şägirdi Jumagül Myradowa “Dünýäniň atly heýkelleri” albomynyň taslamasynda
dürli ýurtlaryň belli atly heýkellerini jemledi. Şeýle hem onuň döwlet derejesindäki
sergileri barada makalalary gazetleriň sahypalarynda çap edildi. Arslan Adaýew
Bagtygül Hojageldiýewanyň “Aşgabat şäheriniň binagärligi” atly gollanmasynyň
taslamasyna ýolbaşçylyk edip, onda Aşgabat şäheriniň binagärligine sungaty
öwrenijilik taýdan seljerme berilýär. Şeýle hem Bagtygül döwlet derejesindäki
maslahatlara we döredijilik duşuşyklara gatnaşyp, öz çykyşlarynda milli binagärligiň
özboluşlylygyny wasp etdi.
Umuman, sungat ojagymyzda ýola goýlan halypa-şägirtlik ýörelgesiniň
geljekde hem önjeýli miweleri berjekdigine ynanýarys. Çünki ata-babalarymyz
“Şägirt halypadan ozdurmasa hünär ýiter” diýipdirler. Ýaş suratkeşleriň, sungaty
öwrenijileriň ähli işleri, ukyp-zehinleri Türkmenistanyň sungatynyň ösdürmekligine
ugrukdyrylandyr.
Jeren Baltaýewa
Türkmenistanyň Döwlet çeperçilik akademiýasynyň
Sungaty öwreniş kafedrasynyň mugallymy