Page 15 - Gujurly 2019

MILLI SUNGAT ÝAŞLARYŇ

YLHAMYNDA

Mälim bolşy ýaly 2016-njy ýyldan bäri her ýylyň ahyrynda Türkmenistanyň
Döwlet çeperçilik akademiýasynyň sergiler jaýynda “Gujurly ýaşlar” atly zehinli
talyplaryň döredijilik sergisi geçirilýär. Ýyl geçdigiçe bu sergä gatnaşýan
ýaş zehinleriň sany barha artýar. “Gujurly ýaşlar” atly döredijilik serginiň bu
gezekki sanynda çeperçilik akademiýanyň talyp ýaşlary bilen bilelikde sungat

ojagymyzy tamamlan, ýurdumyzyň dürli künjeginde döredijilikli zähmet
çekýän ýaş uçurymlarymyz hem gatnaşdylar.
Türkmenistanyň Döwlet çeperçilik akademiýasynda geçirilýän şahsy
hem-de toparlaýyn sergileriň, yzygiderlikde gurnalýan ussat halypalar
bilen döredijilik duşuşyklaryň geçirilmegi ýaşlaryň Watana, hünärine bolan
söýgüsini has-da artdyrýar. “Türkmenistan – rowaçlygyň Watany” ýylynda
“Gujurly ýaşlar” atly döredijilik sergide şekillendiriş sungatynyň nakgaşçylyk,

grafika, heýkeltaraşlyk, binagärlik, dizaýn, amaly-haşam sungatynyň eserleri
hem-de ýaş sungaty öwrenijileriň, taýýarlan albomlarydyr, kitapçalary
sergilenip, halk köpçüligine ýetirildi. Şekillendiriş sungatynyň bu ugurlarynda
ýerine ýetirilen ýaş zehinleriň eserlerinde Berkarar döwletimiziň bagtyýarlyk
döwrüniň belent sepgitleri, asyrlara uzaýan menzilleri özboluşly çeper
döredijilikli beýan edilýär.
Ýaş suratkeşleriň zehin başarnygy amaly-haşam sungatynyň eserlerinde
milli mirasymyzyň gadymy nusgalaryna salgylanyp, täzeçe öwüşgün berlip,
kämilleşdirilip, ýerine ýetirilen döredijilik işleriniň aňyrsynda ýatan irginsiz

zähmetiň, gujur gaýratyň ylham-hyjuwynyň jemlenendigine göz ýetirýärsiň.
Zergärçilik sungatynda ýaş mugallym Şirin Gylyjowanyň “Bukow”, Akjagül
Jumaýewanyň “Altynjan Hatyn”, Aýbibi Nurmedowanyň “Tumar”, Gunça
Jepbarowanyň “Gyz arzuwy”, Begenç Amanowyň “Bukow”, Nedir Mämiýewiň
“Gadymyýetiň ýaňy”, Hemra Taganowyň “Köýtendag gözelligi”, Abraý
Annaýewiň “Rowaç” ýaly döredijilik eserleri bellenilmäge mynasypdyr.
Türkmenistanyň Döwlet çeperçilik akademiýasynyň ýaş mugallymy

Aýjemal Çaryýewanyň gelin-gyzlaryň bezeg şaýy bolan “Baga gireli” atly
bukawy özboluşlylygy bilen tapawutlanýar. Ýaş ussat çeper döredijiliginde
ata-babalarymyzyň döreden gadymy nusgalaryndan ugur alyp, özüniň
çeper elini baýlaşdyryp, kämil eserleri döredýär. Onuň metaly we daşy işläp
bejermekde tehnikanyň ençeme usullary: nagyş basma, oýup nagyş etmek,
gabartma, guýma, garalama, altyn çaýma ýaly görnüşlerini ulanýar. Aýjemal
Çaryýewanyň “Baga gireli” atly bukawy Jepbar Hansähedowyň sazyna
bagyşlanyp döredilen ajaýyp eserdir. Bukawyň merkezi hatarynda ýerleşdirilen
dokuz sany hakyk gaşynyň aralygynda bagy-bossanlygyň içinde bir eline

ýaplanyp duran zenan sudurlaryny berýän altyn plastinkalary yzygiderli
gaýtalanyp, aşaky hem-de ýokarky bölegi örüm nagşy bilen şekillendirilýär.
Onuň aşagyndan özara sazlaşýan hakyk gaşy oturdylan ösümlik nagyşy
we aşaklygyna gaýdýan pöwrüze gaşly aralyk nagyşlary örüm zynjyrlaryna

15