Page 270 - Gujurly 2018
P. 270
“Sungaty öwreniş” kafedrasynyň gujurly ýaşlary bu sergä özleriniň
ylmy gollanmalary, albomlary we makalalary bilen gatnaşdylar.
“Gujurly ýaşlar” sergisine “Sungaty öwreniş” kafedrasyndan on ýedi
talyp gatnaşdy. Talyplar şekillendiriş sungatynyň taryhy nazaryýetini
içgin öwrenip, halypa suratkeşler we olaryň döredijiligi barada gyzykly
maglumatlary toplap, geljekki ýaşlar üçin okuw gollanmalaryny ýazýarlar.
Şeýle-de, zehinli talyplar döredijilik sergilerine bagyşlanan kataloglary
döretmekde uly işleri alyp barýarlar. Okuw gollanmalarda A.Hajyýew,
I.Gylyjow, S.Artykmämmedow, B.Annamyradow, S.Babaýew,
W.Gyllyýewa ýaly ussat halypa suratkeşlerimiziň döredijilikleri, olaryň
döreden eserleriniň türkmen şekillendiriş sungatynda tutýan orny we
ýetiren täsiri barada giňişleýin maglumatlar berilýär. Türkmen sungaty
bilen birlikde dünýä sungatynyň görnükli eserleri öwrenilip, olar barada
gyzykly maglumatlar toplanyldy. Bu ylmy gollanmalary döretmekde
gujurly ýaşlara halypalyk eden mugallymlar Maýa Jumaniýazowa,
Ogulabat Muhatowa, Nurýagdy Ýagşymyradow, Aýjan Kadyrowa,
Arslan Adaýew, Jeren Baltaýewa, Azat Alihanow, hem-de kafedranyň
ýaş mugallymlary Jemal Toryýewa we Bahar Magtymowa.
