Academy news

Parahat Watanymyzyň waspy – sungat eserlerinde

Türkmenistanyň Döwlet çeperçilik akademiýasynda yzygiderli döredijilik sergileri geçirilýär. Şeýle sergileriň biri-de 2025-nji ýylyň maý aýynyň 14-ne açylan «2025-nji ýyl – Halkara parahatçylyk we ynanyşmak ýyly» diýlip atlandyrylan mugallymlaryň we talyplaryň döredijilik sergisidir. Bu sergi adyndan belli bolşy ýaly, mukaddes Watanymyzyň dünýä ýüzünde parahatçylyk söýüjilikli ynsanperwer ýörelgeleriniň dünýä bileleşigi tarapyndan giň goldawa eýe bolup, şu günki taryhymyzyň ösüşli menzilleri sungat eserleriniň her birinde öz beýanyny tapýar.