«Magtymguly Pyragy mekdebi we türkmen magtymgulyşynaslary» atly döredijilik maslahaty geçirildi
2025-nji ýylyň 26-njy fewralynda Türkmenistanyň Döwlet çeperçilik akademiýasynda Hormatly Prezidentimiz Arkadagly Gahryman Serdarymyzyň «Magtymguly – dünýäniň akyldary» atly kitabyna bagyşlanyp, «Magtymguly Pyragy mekdebi we türkmen magtymgulyşynaslary» atly döredijilik maslahaty geçirildi. Maslahatda akyldar şahyrymyzyň edebi mirasy, dünýä medeniýetine goşan ägirt uly goşandy dogrusynda, onuň döredijiliginde nesil terbiýesi, ylym-bilim meselesi hakynda gymmatly maglumatlara baý çeşmeleriň ähmiýetini açyp görkezýän çykyşlar boldy.
