Ussat halypanyň döredijilik sergisi
2024-nji ýylyň 28-nji martynda Türkmenistanyň Döwlet çeperçilik akademiýasynyň Sergiler jaýynda Türkmenistanyň sungatda at gazanan işgäri, Türkmenistanyň Döwlet çeperçilik akademiýasynyň halypa mugallymy Annabibi Islamowanyň 70 ýaş ýubileýi mynasybetli ajaýyp döredijilik sergisi açyldy. Bu sergide halypanyň döredijilik ylhamyndan dörän uly göwrümli nepis halylary, ýantorbalary, at ýapynjalary, eňsileri we horjunlary we birnäçe beýleki önümleri görkezildi.
